Sá sú sa? Og Raya týnd, aftur! :(

Yngsti Spanjólinn spurði mig þessarar spurningar (Sá sú sa?) þegar við vorum að ræða eitthvað atriði (sem ég reyndar man ekki hvað var) úr daglega lífinu. Svarið við því hvað Sá sú sa þýðir, er hérna neðar í greininni, fyrir neðan tilkynninguna vegna Rayu sem er týnd aftur,  og getið þið dundað ykkur við að giska á hvað þetta þýðir áður en þið kíkið á rétta svarið.

 

 

 

 

Týndur kettlingur:

Hún Raya er týnd. Hún er fjögurra mánaða gömul og á heima í Byggðavegi 122. Hún er hvít á litinn með gulbröndótt skott og gulbröndótt og grátt á höfðinu og svarta línu út frá hægra auganu. Hún er með bleika ól. Hún er mjög gæf, kelin og forvitin og gæti hafa farið inn í kjallara og lokast inni. Stutt er síðan lítil stelpa fékk hana í afmælisgjöf og er hennar sárt saknað. Endilega að kíkja eftir henni og láta okkur vita í síma 445 6193 eða 891 6193 ef þið hafið einhverjar fréttir af henni.

 

 

 

Sá sú sa? = Sást þú það?

Athugasemdir

[Didda, 19.8.2009 kl. 11:03]

Æji vonandi finnst litla skinnið

Krúttumúsin hún Ráðhildur er alveg að gera sig á þessari mynd sá sú sa...HA ?

[Rósa (IP-tala skráð) 19.8.2009 kl. 14:53]

Æj, vonandi finnst kisa.   En díses hvað Hildur er mikil krúttmús á þessari mynd.... sakna ykkar endalaust.

[www.zordis.com, 23.8.2009 kl. 21:47]

Vonandi kemur kisuskott heim fljótlega og mikið er Hildur Sólveig sæt á þessari mynd.

Knús og kossar norður!

[Spanjólarnir í Byggðaveginum, 24.8.2009 kl. 00:23]

Raya litla er fundin! Sara og skæruliðarnir fóru í Verslunina Brynju að fá sér ís og nammi og þar sáu þau auglýsingu um kisu í óskilum í lystigarðinum. Og það voru litlu gormarnir sem ráku augun í auglýsinguna þar sem að það var mynd af kisunni í auglýsingunni.